Nıý-Iorkte dron áskerı tikushaqqa soǵyldy
ASTANA. QazAqparat - Nıý-Iorkte UH-60 Black Hawk tikushaǵy áýesqoı dronmen soqtyǵysyp, sonyń saldarynan fıýzelıajy men eki vınti zaqymdandy, dep habarlaıdy Military.com.
Ushqysh Nıý-Djersı áýejaıyna apattyq jaǵdaıda qonýǵa májbúr boldy.
Tikushaq BUU Bas assambleıasynyń otyrysy ótken kezde qalanyń ústinen baqylaý júrgizgen. Oqıǵa 21 qyrkúıek kúni bolǵanymen ol týraly aqparat endi ǵana jarııalandy.
Nıý-Iorktiń kóp bóliginde áýesqoı drondardy ushyrýǵa tyıym salynǵan. Zaqymdanǵan pılotsyz dronnyń qaıda qulaǵany belgisiz. Onyń bólshekteri keıin tabylǵan.
Military.com habarlaýynsha, oqıǵany tergeýmen AQSh Kólik qaýipsizdigi ulttyq komıteti aınalysyp jatyr. Dronnyń operatoryn jaýap alyndy.
