Nıý-Iorkte daryndy sýretshi Káripbek Kúıikovtiń kórmesi ashyldy
Óner maıtalmanynyń týyndylaryn tamashalaýǵa tanymal saıasatkerler, qoǵam qaıratkerleri, dıplomattar men buqaralyq aqparat quraldarynyń ókilderi keldi, dep habarlaıdy khabar.kz.
Káripbek Kúıikov taǵdyrdyń qatal jazýyna áýel bastan-aq moıynsunbaǵan. Ómirge degen qushtarlyǵynyń arqasynda sýret salýǵa den qoıǵan. Qylqalamdy aýzymen nemese aıaǵymen ustap, ómirdiń kez kelgen synynan súrinbeı ótýge shaqyrady. Al súıikti ónerine ózi tárizdi atomdyq synaqtardyń qasiretin tartqan jandardy arqaý etedi. Nıý-Iork tórinde daryndy sýretshiniń biregeı týyndylaryn BUU-nyń bas hatshysy Pan Gı Mýn tamashalap, tánti boldy.
«Qazaqstanǵa ıadrolyq qarýǵa qarsy bastamasy úshin rızashylyǵymyzdy bildiremiz. «Atom» jobasynyń elshisi Káripbek Kúıikov álemdi ıadrolyq qarýdan alastap qana qoımaı, adamzatty durys ómir súrýge shaqyrady»,-deıdi kórme qonaǵy Lassına Zerbo.
BUU bas hatshysynyń saıası máselelerge qatysty kómekshisi Mıroslav Encha osydan bes jyl buryn Semeı polıgonyna kelgen. Elge kelgen qonaq ıadrolyq synaqtyń el men jerge tıgizgen zardabyn óz kózimen kórdi.
Mıroslav Enchanyń pikirinshe, kórmedegi sýretter ıadrolyq qarýsyz álem qalyptastyrý qajettigin ashyq kórsetedi. Qazaq sýretshisiniń biregeı týyndylary basqa adamdarǵa úlgi bolýy tıis.
Otandasymyz Káripbek Kúıikovtiń shyǵarmalarymen barlyq álem halyqtary tanys. Daryndy sýretshi ıadrolyq qarýǵa qarsy «Atom» jobasy aıasynda belsendilik tanytyp, túrli halyqaralyq deńgeıdegi basqosýlarǵa qatysyp júredi.
-Qylqalamdy aýzymen nemese aıaǵymen ustap, sýret salatyn, jazý jazatyn adamdardy kórsem erekshe tańqalamyn. Alaıda qazaqstandyq sýretshiniń eńbekteri tipten keremet. Káripbek osyǵan deıin mundaı kórmelerdi Hırosıma men Nagasakıde ótkizgendigin bilemin,- dep tańdanysyn jasyrmady BUU Bas hatshysynyń orynbasary ıÝkıo Takasý.
Káripbek Kúıikov taǵdyryna eshqashan ókpe aıtyp, muń shaǵyp kórgen emes. Kerisinshe, aǵysqa qarsy júze biletin jandardyń qatarynan. Kórmede kórsetilgen týyndylar da sýretshiniń ómirge degen ózgeshe kózqarasyn tanyta bildi.
