Nıý-Iorkte BUU Qaýipsizdik Keńesiniń shuǵyl keńesi ótedi
ASTANA. Maýsymnyń 1-i. QazAqparat - Nıý-Iorkte BUU Qaýipsizdik Keńesiniń shuǵyl keńesi bas qosýda. Palestınalyqtarǵa arnalǵan gýmanıtarlyq júkke Izraıl tarapynan jasalǵan shabýylǵa baılanysty shuǵyl keńes ótkizýdi Túrkııa talap etip otyr.
Túrkııa sonymen birge, Izraıldegi óz elshisin shaqyrtyp almaq, shabýylǵa ushyraǵan kemeler Túrkııanyń jalaýynyń astynda bolǵan, dep habarlaıdy «Maıak» radıosy.
10 myń tonna gýmanıtarlyq júk tıelgen jáne Gaza sektoryna bara jatqan «Bostandyq flotılııasyn» Izraıl áskerı áýe kúshteri óz jaǵalaýynan 70 shaqyrymdaı jerde beıtarap sýda basyp alǵanyn álemdik buqaralyq aqparat quraldary buǵan deıin habarlaǵan bolatyn. Flotılııa kemelerinde jalpy eseppen 600-deı adam, onyń ishinde 1976 jylǵy Nobeldik beıbitshilik syılyǵynyń laýreaty ırlandııalyq Meırıd Korrıgan men Holokostty bastan keshirgen 85 jastaǵy Hedı Epshteın bolǵan.
Alty kemeden turatyn flotılııanyń eń úlkeni - Mavi Marmara kemesinde Al Jazeera tilshisi Jamal ál- Shaıal bolǵan. Jýrnalıst óz reportajynda, Izraıl kúshterimen bolǵan qaqtyǵysta ondaǵan beıbit jolaýshynyń jaralanǵanyn habarlady.
Túrli málimetter boıynsha, ızraıldikterdiń shabýylynyń saldarynan 16-19 adam qaza bolǵan, taǵy 30-ǵa jýyq adam jaralanǵan.
