Nıý-Iorkte bolǵan terakt qurbandarynyń súıekteri murajaıǵa jetkizildi
ASTANA. QazAqparat - 2001 jyldyń 11 qyrkúıeginde bolǵan lańkestik árekettiń qurbandarynyń súıekteri Nıý-Iorktegi buryn Búkilálemdik saýda úıiniń qos munarasy turǵan jerge jetkizildi.
Avtokólikter Ulttyq memorıaldyq murajaıǵa jetkennen keıin metall konteınerlerdegi máıitter arnaıy jer asty qoımasyna ornalastyrylǵan.
Qurban bolǵandardyń týystary bul sheshimge qarsylyq bildirip, murajaı aldyna jıyldy. Olar máıitter murajaıǵa nemese qala bıligine emes, ózderine, ıaǵnı qaza bolǵandardyń otbasylaryna tıesili dep sanaıdy, dep habarlady VVS.
