Nıý-Iorkte bir táýlikte 67 myń adam koronavırýs juqtyrǵan

VAShINGTON. QazAqparat - Nıý-Iork shtatynda COVID-19 aýrýy boıynsha jańa antırekord tirkeldi - bir táýlikte 67 myń jaǵdaı anyqtalyp, bul kórsetkish keshegiden 64%-ǵa joǵary boldy. Bul týraly sársenbi kúni shtat gýbernatory Ketı Hokýl málim etti, dep habarlaıdy QazAqparat The Hill gazetine silteme jasap.

Hokýl shtat turǵyndaryn COVID-19 taralýǵa qarsy kúres sharalaryn ustanýǵa shaqyrdy.

Ótken táýlikte shtatta jasalǵan 362 500-den astam kovıd-testiniń 18,5%-y oń nátıje kórsetti, dep habarlady ol.

Shtat bıligi ótken táýlikte COVID-19 dıagnozymen aýrýhanaǵa jatqandardyń 10%-ǵa (shamamen 6,7 myń jaǵdaıǵa deıin) óskenin jáne COVID-19 asqynýynan 97 adamnyń kóz jumǵanyn málim etti. Bul sońǵy birneshe aıdaǵy rekordtyq kórsetkish.

Hokýl shtat qyzmetteri men vedomstvo basshylaryn «qańtarda aýrýdyń asqynýyna daıyn bolýǵa» shaqyrdy