Nıý-Iorkte Batyrhan Shúkenovtiń uly QR Prezıdentine ákesiniń óleńder jınaǵyn tartý etti
Elbasyn AQSh JOO-larynda «Bolashaq» baǵdarlamasy boıynsha bilim alyp júrgen qazaqstandyq stýdentter birinshi bolyp qarsy aldy, dep habarlaıdy «Habar» agenttigi .
Nıý-Iork jáne Kolýmbııa ýnıversıtetterinde oqyp júrgen bolashaqtyqtar, sondaı-aq Nıý-Iorktegi ataqty Kıno óneri akademııasy (New York Film Academy) men Djordj Vashıngton ýnıversıtetiniń stýdentteri Memleket basshysyna ózderiniń jetistikteri týraly aıtyp berdi. Qazaqstan Prezıdenti olarǵa sabaqty jaqsy oqyp, alǵan bilimderin bizdiń elimizdiń ıgiligi úshin qoldanýǵa shaqyrdy.
Amerıkada bilim alyp júrgen qazaqstandyq jas azamattardyń arasynda Batyrhan Shúkenovtiń uly Maqsut ta boldy. Ol Nursultan Nazarbaevqa ákesiniń óleńderi toptastyrylǵan án dıskisin tartý etti.
Qazaqstan Memleket basshysynyń Nıý-Iork qalasynda bolý baǵdarlamasy óte mazmundy. Memleket basshysy BUU-nyń shtab-páterinde Post-2015 sammıtinde, Bas Assambleıanyń mereıtoılyq 70-shi sessııasyndaǵy mereıtoılyq pikirtalastarda sóz sóıleıdi dep josparlanǵan, sondaı-aq shet elderdiń basshylary jáne úkimet basshylary, AQSh-tyń jetekshi kompanııalarynyń basshylarymen kóptegen kezdesýler ótedi. Sondaı-aq, Qazaqstan Prezıdenti zorlyq-zombylyq ekstremızmine qarsy kúres sammıtine de qatysady dep kútilip otyr. Foto: Maıra Abdrahmanova
