Nıý-Iorkte Batyrhan Shókenovti eske alý keshi ótti
ASTANA. QazAqparat - Nıý-Iorkte ánshi, mýzykant, kompozıtor Batyrhan Shókenovty eske alý keshi ótti. Týystary men dostarynyń osy shaharda jınalýy kezdeısoq emes, dep habarlaıdy 24.kz.
Qazaqstan mádenıetine eńbek sińirgen qaıratker Batyrhan Shókenov BUU-nyń balalar qory - ıÝNISEF-tiń Іzgi nıetti Elshisi bolǵan jáne BUU-nyń shtab-páterine jıi barǵan. Týǵan uly Maqsut anasy Ekaterınamen birge Florıda shtatynda turady, mýzykadan ustazy Vladımır Zaslavskıı Nıý-Djersı shtatynda jumys isteıdi. Los-Andjeles, Vashıngton men AQSh-tyń ózge de qalalarynda Batyrhan Shókenovtiń dostary kóp. Olardyń barlyǵy BUU-daǵy Qazaqstan ókildiginde jınalyp, otandyq mádenıetimizdiń damýyna zor úles qosqan ánshini eske aldy. Amerıkada turatyn kóptegen jankúıeri, qazaqstandyq áriptesteri men ánshiler orny tolmas qazany áli kúnge deıin aýyr qabyldaıdy. Batyrhanmen aradaǵy byltyrǵy kezdesýlerin eske alyp, shyn máninde halyq ánderine aınalǵan óleńderin shyrqaǵan. Áıgili ánshiler Janna Orynbasarova men Altynaı Saparǵalıevanyń oryndaýyndaǵy «Djýlııa» men ózge de óleńderine búkil jınalǵan qaýym qosylyp, án shyrqady.
«Batyr sııaqty dostan aıyrylý - men úshin úlken qaıǵy. Ómirimniń bir bóligimnen aıyrylǵandaı boldym. Degenmen, birge jumys istep, onyń qasynda talaı ýaqyt bolǵanyma rızamyn. Gastrolge, festıvalderge bergi baryp júrdik. Batyr sııaqty dosym bolǵan mende arman joq. Ataǵy shyqsa da, eshbir ózgergen emes. Ylǵı qarapaıym, adal bolǵan jáne osy adamgershiligimen máńgi esimizde qalady»,-deıdi Batyrhan Shókenovtiń mýzykadan ustazy Vladımır Zaslavskıı.
