Nıý-Iorkte áýede eki ushaq soqtyǵysty
ASTANA. QazAqparat - Eki jeńil motorly ushaq AQSh-tyń Nıý-Iork shtatynda áýede soqtyǵysyp qaldy. Apat saldarynan eki adam - ushqysh pen ushaqtyń biriniń jolaýshysy qaza tapty, dep habarlady polıtsııanyń ókili.
Cessna 172 pen SeaRey ushaqtarynyń qandaı sebeppen qaqtyǵysqany ázirge belgisiz. Alǵashqy áýe kemesi Lankaster qalasyna qulaǵan. Onyń ushqyshy men bortynda bolǵan bala ajal qushty. Al ekinshi ushaqty onyń ushqyshy jerge, egis tanabyna qondyra alǵan. Onyń ózi de, janyndaǵy 9 jasar qyz da zardap shekpegen.
Arnaıy qyzmet oqys oqıǵany tekserýge kiristi.
