Nıý-Iorkte aptap ystyqta kólikte qalyp qoıǵan náreste mert boldy
SMITTAÝN. QazAqparat - Nıý-Iorktiń Smıttaýn qalasynda ájesi kóliktiń salonynda umytyp ketken 14 aılyq sábı qaıtys boldy. Polıtsııa kishkentaı qyzdyń kúnniń ystyǵynan qyzyp ketken kólikte segiz saǵat boıy bolǵanyn aıtty, dep habarlaıdy QazAqparat AR agenttigine silteme jasap.
54 jastaǵy ájesi dúısenbi kúni sábıdi balabaqshaǵa aparýdy umytyp, jumysyna ketken. Bala qulyptalǵan kóliktiń avtokreslosynda qalǵan», - delingen polıtsııanyń baspasóz habarlamasynda.
Segiz saǵat ótkennen keıin ájesi balabaqshaǵa barǵanda, búldirshindi kólikte umytyp ketkenin uǵady.
Aýrýhanada dárigerler balanyń qaıtys bolǵanyn anyqtady.
Aty-jóni atalmaǵan ájege qyzdyń ólimine qatysty aıyp taǵylǵan joq. Tergeý júrip jatyr, dep habarlaıdy New York Post.
AQSh Kólik mınıstrliginiń málimeti boıynsha, AQSh-ta jyl saıyn orta eseppen 40 bala aptap ystyqta kólikte qalyp kóz jumady.
Dúısenbide Smıttaýndaǵy aýa temperatýrasy 28 gradýs Tselsıı bolǵanymen, kólik ishindegi temperatýra Tselsıı boıynsha 50 gradýsqa deıin jetýi múmkin.
