Nıý-Iorkte alǵashqy medıtsınalyq kómek boıynsha Astana deklaratsııasynyń mańyzdylyǵy aıtyldy

NЬıÝ-IORK. QazAqparat– QR Densaýlyq saqtaý mınıstri Eljan Birtanov alǵashqy medıtsınalyq kómek kósetý salasynda elimizde jasalyp jatqan reformaǵa basqa elderdiń qyzyǵýshylyǵy týraly aıtty, dep habarlaıdy QazAqparattyń arnaýly tilshisi.

«Búgin BUU Bas Assambleıasynyń bazasynda medıtsınalyq qyzmetterdiń jalpy qamtylýyna arnalǵan jıyn ótip jatyr. Bul memleket basshylary, úkimet jáne syrtqy ister mınıstrleri deńgeıindegi joǵary kezdesý. Onyń negizgi maqsaty – álemdegi barlyq turǵyndardy qoljetimdi ári sapaly medıtsınalyq qyzmetpen qamtamasyz etý. Búgin jalpy halyqty qamtıtyn densaýlyq saqtaý qyzmetteri týraly deklaratsııa qabyldandy. Osy deklaratsııada alǵashqy medıtsınalyq kómek kórsetý mańyzdy tarmaqtardyń biri retinde kórsetildi» - dedi Eljan Birtanov Nıý-Iorkte BUU Bas Assambleıasynyń 74-shi sessııasy aldynda qazaqstandyq jýrnalısterge.

«Atalǵan qujatta medıtsınalyq-sanıtarlyq alǵashqy kómek boıynsha Astana deklaratsııasyna tikeleı silteme jáne ony engizý boıynsha basqa elderge usynystar bar. Biz muny Qazaqstan úshin úlken jetistikke baǵalaımyz. Onyń ústine búgin medıtsınalyq-sanıtarlyq alǵashqy kómekti ilgerletý boıynsha Qazaqstan men AQSh úkimetteri birlesken jekelegen kezdesýler men jıyndar ótkiziledi. Atalǵan jıynǵa densaýlyq saqtaý salasyndaǵy beldi uıymdar, UNICEF, Dúnıejúzilik bank ókilderi qatysady», - dep tolyqtyrdy ol.

Mınıstr medıtsınalyq-sanıtarlyq alǵashqy kómek kórsetýde halyqaralyq tájirıbemen almasý mańyzdy ekendigin atap ótti.

Eske salsaq, Memleket basshysy Qasym-Jomart Toqaev Amerıka Qurama shtattarynda jumys saparymen júr.