Nıý-Iorkte álemdegi eń qymbat metro stansasy ashyldy

Stansanyń qurylysyna 4 mlrd. AQSh dollary jumsalǵan - bul bastapqyda qarastyrylǵan somadan eki ese derlik kóp. Forbes jýrnalynyń atap ótýinshe, bul álemde osyndaı qurylystar úshin rekordtyq soma bolyp tabylady. Shyny men betonnan jasalǵan eskertkish qurylysynyń sáýletshisi - Ispanııanyń sýretshi-fýtýrısti Santıago Kalatrava. Onyń ıdeıasy jańa tranzıttik toraptyń ústindegi ǵımarattyń shatyryn úlken aq qustyń qanatyna uqsas etý bolǵan.

Jańa kólik toraby metropolıtenniń 11 jelisin, qala mańyndaǵy poıyz stansasyn jáne Betterı-saıabaqtyń paromdyq ótkelin qosyp otyr. Sondaı-aq kúnine 250 myńǵa jýyq jolaýshyǵa qyzmet etetini shamalanýda. Qala bıliginiń jospary boıynsha ol Amerıkadaǵy eń qolaıly jáne qaýipsiz stansalardyń birine ári Manhettenniń jańa jáne ózindik ereksheligi bar ádemi ornyna aınalady.