Nıý-Iorkte álemdegi eń kári er adam kóz jumdy
ASTANA. QazAqparat - Nıý-Iorkte 111 jasar Aleksandr Imıch qaza tapty, ol osy jylǵy sáýirde álemdegi eń kári er adam retinde Gınnestiń rekordtar kitabyna engizilgen.
ITAR-TASS habarlaǵandaı, Imıch - hımık jáne Parapsıhologııa kitabynyń avtory. Ol 1903 jyly 4 aqpanda Polshada dúnıege kelgen. 1939 jyly ultshyldar basyp kirgennen keıin áıelimen ol jaqtan qashyp, biraz ýaqyttaryn KSRO-da ótkizedi. 1951 jyly AQSh-qa qonys aýdarady. Uzaq jasaý sebebin suraǵan jýrnalısterge Imıch onyń qupııasy sportpen shuǵyldaný, ishimdikten boıyn aýlaq ustaý, taýyq eti men balyqtan turatyn taǵamdardy tutynýda ekenin aıtqan.
Aıta keterligi, Imıch ǵalamshardaǵy eń kári adam emes, odan úlken qazirgi ýaqytta 60-tan astam áıel bar.
