Nıý-Iorkte AES-te órt bolyp, bir blok isten shyqty
ASTANA. QazAqparat - Amerıkanyń Nıý-Iork shtatynda Indian Point AES-iniń bloktarynyń biri isten shyǵyp, ekeýi jumysyn jalǵastyrýda. Senbide stansada órt shyǵyp, jalyn dereý aýyzdyqtalǵan edi, dep jazady Bı-bı-sı.
Nıý-Iork gýbernatory Endrıý Kýomo AES-ke baryp, bolǵan oqıǵaǵa qatysty óz alańdaýshylyǵyn bildirdi. Sebebi stansa Nıý-Iork qalasynan nebary 65 shaqyrymda ornalasqan.
Budan basqa, Gýdzon ózenine stansanyń órtke oranǵan transformatorynan maı tógilgeni belgili boldy.
AES-ti paıdalanatyn Energy Corp kompanııasynyń basshylyǵy oryn alǵan órtke baılanysty stansa qyzmetkerlerine de, jergilikti turǵyndarǵa da esh qaýip joq ekendigin málimdedi.
