Nıý-Iorkte 4 adamdyń óltirilýine baılanysty Ýkraına týmasy ustaldy
ASTANA. 13 aqpan. QazAqparat - Nıý-Iorkte óziniń ógeı ákesin, burynǵy qurbysyn jáne onyń anasyn, sondaı-aq kezdeısoq ótip bara jatqan adamdy óltirgen degen kúdikpen 23 jastaǵy Ýkraına týmasy jáne AQSh azamaty Maksım Gelman ustaldy, dep habarlady Bı-Bı-Sı.
Ol sonymen birge taǵy úsh adamdy: eki júrgizýshini jáne metro jolaýshysyn pyshaqpen jaralap, júrgizýshiniń bireýiniń mashınasyn aıdap ketken.
"Bul oqıǵanyń sebebi ázirshe belgisiz. M.Gelman qylmys jasaǵannan keıin 28 saǵattan soń qolǵa tústi", - dep habarlady polıtsııa.
M.Gelman nashaqorlyqqa ushyraǵan jáne buǵan deıin de birneshe ret polıtsııanyń qolyna túsken.
