Nıý-Iorkte 25 kóliktiń qatysýymen jol apaty boldy, adam shyǵyny bar
ASTANA. 20 jeltoqsan. QazAqparat - Keshe amerıkandyq Shırlı qalasynan alys emes jerde kem degende 25 jeńil jáne 3 júk kólikteriniń qatysýymen iri jol apaty oryn aldy, dep habarlady Ýtro. rý.
Oqıǵa saldarynan bir adam mert bolyp, 32-si jaraqattandy. Jergilikti polıtsııanyń málimetterine qaraǵanda, aǵash jańqalary tıelgen júk kóligi tas joldan túse beris jerde turǵan 12 kólikti qaǵyp ótti. Budan keıin oǵan taǵy birneshe kólik soqtyǵysty, olardyń deni órtke orandy. 12 adam, onyń ishinde balalar aýrýhanaǵa jetkizildi.
Qazirgi ýaqytta arnaıy qyzmetter jol-kólik apatynyń saldaryn joıýda. Kólikterdiń qozǵalysy úshin aınalma joldar uıymdastyryldy.
