Nıý-Iorkte 2001 jylǵy jarylystyń qurbandaryna arnalǵan murajaı ashylady
ASTANA. 26 qańtar. QazAqparat - Bıyl mamyr aıynda Nıý-Iorkte 2011 jylǵy terrorlyq árekettiń qurbandaryn eske alýǵa arnalǵan murajaı ashylady, dep habarlaıdy ITAR-TASS.
11 qyrkúıek murajaıy jáne memorıaldyq kesheni memlekettik qorynyń dırektory Djo Denıelstiń aıtýynsha, taıaýda ashylatyn murajaı jańa Búkilálemdik saýda ortalyǵynyń bir bóligi bolmaq. Jalpy, bul nysannyń ashylýy birneshe ret keıinge shegerilip keldi. 2012 jyly Sendı daýylynan keıin Tómengi Manhettendi topan sý basýyna baılanysty ǵımarattyń qurylysy toqtap qalǵan bolatyn.
Murajaıǵa qoıylatyn zattardy terakt kezinde aman qalǵan adamdar men qaza tapqandardyń týystary ákelip bergen. Munda kelgender jarylystyń qurbandarynyń árbirine arnalǵan beınerolıkti de tamashalaı alady. Bılet quny 24 dollar bolady dep josparlanyp otyr. Bul Bostandyq statýıasy men Qazirgi zaman óner murajaıyna kirý qunymen birdeı. Alaıda qala turǵyndary men meri Bıll de Blazıo bılettiń baǵasy qymbat ekenine narazylyq bildirdi. Qala basshysynyń aıtýynsha, federaldy úkimet murajaıdyń shyǵyndaryn óz moınyna alsa, bılet baǵasy arzan bolatyn edi.
