Nıý-Iorkte 2001 jyldyń 11 qyrkúıeginde bolǵan lańkestik qurbandaryn eske alý murajaıy ashyldy
ASTANA. QazAqparat - AQSh Prezıdenti Barak Obama birinshi bolyp 2001 jyly 11 qyrkúıekte lańkestik aktilerdiń saldarynan qaza bolǵandarǵa arnalǵan murajaı ekspozıtsııasyn qarap shyqty.
Murajaı beısenbi kúni Nı-Iorktiń Manhetten aýdanynda ashyldy, dep habarlady ITAR-TASS. Buzylǵan qos munara ornyndaǵy keshende ekskýrsııany Amerıka prezıdenti men birinshi hanym Mıshel Obamaǵa, sonymen birge, olarmen kelgen AQSh-tyń burynǵy prezıdenti Bıll Klınton men burynǵy memlekettik hatshy Hılları Klıntonǵa buryn Nıý-Iork meri bolǵan Maıkl Blýmberg ótkizdi. Olar qıraǵan Búkilálemdik saýda ortalyǵynyń qurysh tiregi men betondy satyny qarap shyqty. Keshenniń negizgi bóligi jerden 20 metr tereńdikte ornalasqan. Kórme zaldarynyń jalpy aýmaǵy 1 sharshy shaqyrymdy quraıdy. Osy apatty bastan keshkenderden jazylǵan aýdıo jazba únemi júrip turady. Murajaıǵa kirer jerde kelýshiler úlken kartany kóre alady, onda lańkesterdiń basyp alyp, záýlim ǵımaratqa soǵylǵan áýe laınerleriniń baǵyty kórsetilgen.
Ulttyq memorıal men murajaı qorynyń dırektory Djo Denıels 15 mamyrdan bastap alty kún boıy murajaıdyń resmı ashylýyna deıin oǵan kez kelgen ýaqytta, tipti túnde tegin kelýge bolatynyn málimdedi. Oǵan zardap shekkender, qaza bolǵandardyń týystary men qutqarý qyzmetteriniń jumysshylary kele alady. Al qalǵandary úshin murajaı 21 mamyrdan bastap jumys isteıdi. Bıletterdiń baǵasy 24 dollardy qurady. Kóptegen amerıkandyqtar murajaı jumysyna qajetti shyǵyndy memleket óz moınyna alyp, sol sebepti ol úshin aqy almaýy kerek dep sanaıdy.
