Nıý-Iorkte 12 adam legıonellezden kóz jumdy
ASTANA. QazAqparat - Nıý-Iorkte aýyr bakterıalyq ókpe aýrýy - legıonellezdiń taraýynan 12 adam qaza tapty, onyń basym bóligi ońtústik Bronkste oryn aldy.
Qaza tapqandardyń 11-i 40-tan asqandar, olardyń densaýlyqtarynda basqa da aqaýlary bolǵan, - deıdi dárigerler.
Epıdemıologtar bakterııany ondaǵan ǵımarattyń jeldetkish júıelerinen tapqan.
Medıkter bul ınfektsııa egde adamdar úshin qaýipti ekenin aıtýda.
Keı quqyq qorǵaýshylar Nıý-Iork ákimi Bılla de Blazıony aýrýdyń taralýyna jedel den qoımaı otyrǵanyn synǵa alýda.
Aýrý 1976 jyly Fıladelfııada amerıkalyq legıon ardagerleriniń sezinde taralý ornyna baılanysty ataý alǵan.
