Nıý-Iorktaǵy polıtseı Dımash Nııazov kásipqoı bokstaǵy alǵashqy aıqasynda nebári 100 dollar alǵan

NUR-SULTAN. QazAqparat – Nıý-Iorktaǵy tanymal boksshy-polıtseı Dımash Nııazov qylmysqa qarsy kúresten bos ýaqytynda Amerıkaǵa belgili boks ortalyǵynda sparrıng ótkizedi, dep habarlaıdy QazAqparat sports.kz-ke silteme jasap.

Qazaqstannyń týmasy Instagram-da sportzalda, rıngtegi seriktesteri – deneli jáne shymyr azamattarmen birge túsken sýretin jarııalady.

Jaqynda Nııazov áleýmettik jelide kásipqoı bokstaǵy alǵashqy jeńiske jetken jekpe-jeginde bar bolǵany 100 dollar alǵanyn moıyndady. Al, qatardaǵy Nıý-Iork polıtseıi jylyna kem degende 70 myń dollar jalaqy alady.