Nıý-Iorkta Pıkassonyń kartınasy 41 mln.-nan astam dollarǵa satyldy
ASTANA. 9 qarasha. QazAqparat - Nıý-Iorkta Sotheby's keshki saýdasynda Pablo Pıkassonyń «Qyzǵaldaqtary bar natıýrmort» týyndysy
41,5 mln. dollarǵa satyldy jáne ımpressıonıster ónerine arnalǵan aýktsıonnyń top-loty boldy. Bul týraly sheteldik BAQ habarlady.
Saýdany uıymdastyrýshylar týyndyny 35-50 mln. dollarǵa baǵalaǵan bolatyn. 1932 jyly salynǵan kartına jas sýretshiniń shabyttandyrýshysy Marı-Terez Valterge arnalǵan. Onyń sol ýaqytta salynǵan "Jalańashtanǵan, jasyl japyraqtar jáne keýde" sıýrrealıstik portreti 2010 jyldyń mamyr aıynda ótken nıý-ıorktik aýktsıonda sol ýaqyttaǵy álemdik rekordty ornatty. Ony 106,5 mln. dollarǵa satyp aldy.
