Nıý-Iorkte munaı baǵasy 85 dollar/barrelge jaqyndady
áýirdiń 2-si. QazAqparat - Beısenbi, sáýirdiń 1-i kúni Nıý-Iork taýarly bırjasynda ótken saýdanyń qorytyndysy boıynsha, «qara altynnyń» baǵasy 1,11 dollarǵa nemese 1,3 paıyzǵa kóterilip,
naýryz aıyna jasalǵan fıýcherstik jetkizilimniń baǵasy 84,87 dollar/barreldi qurady. Bul týraly ITAR-TASS agenttigi habarlap otyr.
Sońǵy eki aıda munaıdyń baǵasy 15 dollar/barrelge jýyq qymbattaǵan. Sarapshylardyń pikirinshe, baǵanyń ósýiniń negizgi sebebi - naryq qatysýshylarynyń ekonomıkanyń daǵdarystan shyǵa bastaýyna degen senimderi, sonyń nátıjesinde aǵymdaǵy toqsanda munaıǵa degen suranys ósip otyr. Investorlardyń optımızmi áleýmettik-ekonomıkalyq jańalyqtarmen, atap aıtqanda sońǵy aptada jumyssyzdar qatarynyń azaıa túsýimen jáne ónerkásiptik óndiristik ósýimen mazmundalýda. «Qara altynnyń» qymbattaýyna sondaı-aq dollardyń eýroǵa jáne basqa da valıýtalarǵa qatysty álsireýi sep bolyp otyr.
