Nıý-Iork zoobaǵyndaǵy jolbarystan koronavırýs tabyldy
NЬıÝ-IORK. QazAqparat - Nıý-Iorktegi Bronks zoobaǵynda Nadı atalǵan tórt jasar malaı jolbarysynyń ólekshininen (urǵashy) koronavırýs anyqtaldy. Bul – álemde alǵashqy jolbarysqa koronavırýstyń juǵýy, dep habarlaıdy QazAqparat CNN agenttigine silteme jasap.
«Jolbarystan qurǵaq jóteli baıqalǵan. Jyrtqysh saýyǵyp ketýi tıis», - delingen Jabaıy tabıǵatty qorǵaý qoǵamynyń habarlamasynda.
AQSh-tyń Densaýlyq saqtaý mınıstrliginiń málimetinshe, zoobaqtaǵy basqa bes jolbarys pen arystanda respıratorlyq aýrý belgisi bolǵannan keıin jolbarystan synama alynǵan.
Zoobaq ókilderiniń aıtýynsha, tábetti azdap tómendegenine qaramastan, Bronks zoobaǵyndaǵy mysyq tuqymdas jyrtqyshtardyń jaǵdaıy jaqsy. Ańdardy veterınarlar baqylap otyr.
«Іri mysyq tuqymdastarda bul aýrýdyń qalaı damıtyny belgisiz, óıtkeni mysyq tuqymdas ańdardyń árqaısysy jańa ınfektsııalar árqalaı juǵady. Biraq biz olardyń jaǵdaıyn muqııat qadaǵalap otyramyz»,- delingen habarlamada. Mamandar barlyq jyrtqysh jazylyp ketedi dep boljap otyr.
Janýarlar aýrýdy «sımptomsyz» aýyrǵan zoobaq qyzmetkerinen juqtyrǵan.
Aıta keterligi, Bronks zoobaǵy 16 naýryzdan bastap jabyldy.
AQSh-tyń Aýyl sharýashylyǵy mınıstrligi koronavırýs juqtyrǵandardyń barlyǵyna vırýstyń áseri týraly aqparat paıda bolǵansha, úı janýarlarymen, basqada ańdarmen baılanysty barynsha azaıtýǵa keńes beredi.
