Nıý-Iork soty Stross-Kannyń isin japty
ASTANA. 24 tamyz. QazAqparat - Seısenbi, 23 tamyzda, Nıý-Iork shtatynyń Joǵarǵy soty qonaq úıdiń qyzmetshi áıelin zorlady dep aıyptalǵan HVQ eks-basshysy Domınık Stross-Kannyń ústinen qozǵalǵan isti japty,
dep habarlaıdy Reuters.
Protsess talapkerdiń jaýaby únemi sáıkes kelmeýine jáne óziniń ótken ómiri jaıly ótirik aıtýyna baılanysty prokýratýra isti qoldaýdan bas tartqany týraly aıyptaýshylardyń málimdemesinen keıin jabyldy.
Eske sala keteıik, 62 jastaǵy HVQ burynǵy basshysy 2011 jyldyń mamyrynda Nıý-Iork áýejaıynda Sofitel oteliniń 32 jastaǵy qyzmetshi áıelin zorlaýǵa áreket etti degen aıyppen tutqyndalǵan bolatyn.
Aıyptaýshylardyń qysymymen HVQ burynǵy basshysy 2011 jyldyń 19 mamyrynda qyzmetinen ketken.
