Nıý-Iork shtatynyń soty Qazaqstan bıliginiń elektrondyq hat almasýǵa zańsyz qol jetkizilýine qatysty talap-aryzy boıynsha aldyn ala sheshim shyǵardy
Esterińizge sala keteıik, Qazaqstan Respýblıkasy Ádilet mınıstrligi halyqaralyq tórelik jáne sheteldik sot talqylaýlarynda Qazaqstan Respýblıkasynyń múddesin bildiredi jáne qorǵaıdy. Osy fýkntsııalardy atqarý sheginde Ádilet mınıstrligi halyqaralyq zań kompanııalarynyń qyzmetterin paıdalanady. 2015 jyldyń qańtar aıynda halyqaralyq zań kompanııalarymen elektrondyq hat almasýdaǵy aqparattardyń keıbir halyqaralyq vebsaıttarda jarııalaný faktisi anyqtaldy.
QR Úkimetiniń konsýltanttary zańmen qorǵalatyn advokat qupııalylyǵyna jatatyn elektrondyq hat almasýǵa zańsyz qol jetkizýge jáne ondaǵy habarlamalardy jarııalaýǵa qatysty Kalıfornııa (Reed Smith LLP zań kompanııasy) men Nıý-Iork (Curtis, Mallet-Prevost, Colt & Mosle LLP zań kompanııasy) shtattarynda sot talaptaryn berdi. Qazirgi ýaqytta osy protsester jalǵasýda.
2015 jyly 13 naýryzda Nıý-Iork shtatynyń ońtústik aımaqtyq soty (AQSh) zańmen qorǵalatyn hat almasýdy jáne Qazaqstan Respýblıkasyna tıesili basqa da qujattardy zańsyz alǵan jáne jarııalaǵan tulǵalarǵa, sondaı-aq osylarmen birigip áreket jasaǵan tulǵalarǵa osyndaı qujattardy odan ári qoldanýǵa nemese basqasha taratýǵa tyıym salatyn aldyn-ala buıryq shyǵardy. Osy buıryq qylmystyq jáne azamattyq jaýapkershilikti qarastyratyn AQSh federaldy zańdaryna sáıkes shyǵaryldy.
