Nıý-Iork shtatynda 103 kúshik alyp bara jatqan fýrgon aýdaryldy
ASTANA. QazAqparat - AQSh-tyń Nıý-Iork shtatynda 103 kúshik alyp bar fýrgon aýdarylyp ketti. Bul týraly Star-Gazette basylymy habarlady.
Oqıǵa Avoka qalasynyń aýmaǵynda oryn aldy. Kúshikterdi zoodúkenderge alyp bara jatqan júrgizýshi qatty jyldamdyqpen kele jatyp, rýlge ıe bola almaı qalǵan. Mashına jyraǵa túsip ketip, aýdaryldy. Patrýlder men kólik quraldaryn súıreýmen aınalysatyn kompanııa qyzmetkerleri janýarlardy qutqarýǵa kómektesken. Bes kúshik azdap jaraqat alǵan. Olar Janýarlardy qatygezdikten qorǵaý qoǵamyna berildi.
