Nıý-Iork polıtsııasynyń ókili «Domodedovo» áýejaıynda bolǵan lańkestik jaıynda aqparat jınamaq
ASTANA. 26 qańtar. QazAqparat - Nıý-Iork polıtsııasynyń tergeýshisi «Domodedovo» áýejaıynda bolǵan lańkestik áreket jaıynda aqparat alýǵa Máskeýge keldi.
Atalǵan lańkestik saldarynan 24 qańtarda 35 adam qaza taýyp, júzden astamy jaralanǵan bolatyn. Bul jaıynda sársenbi kúni "Lenta.rý" Associated Press-ke silteme jasap habarlady.
Reseılik quqyq qorǵaý organdarymen yntymaqtastyq ornatý osyndaı lańkestik AQSh aýmaǵynda boldyrmaýdyń aldyn alýǵa septigin tıgizbek. Agenttiktiń aqparatyna sáıkes, osy tergeýshi 2010 jyly naýryzda metroda bolǵan lańkestik oqıǵadan keıin Máskeýge kelgen bolatyn.
"Ádette, bul amerıkandyq tergeýshi Tel-Avıvte jumys istep, Izraıl aýmaǵynda bolǵan lańkestikterge taldaý jasaǵan", - dep habarlaıdy AR. Amerıkandyqtyń Máskeýde qansha ýaqyt bolatyny anyqtalmaǵan. Sonymen qatar amerıkandyq tergeýshige reseılik áriptesteri qandaı aqparattyń usynatyndyǵy jáne yntymaqtastyq qalaı uıymdastyrylatyny belgisiz bolyp tur.
