Nıý-Iork polıtsııasynan Qazaqstan azamatynyń ustalǵandyǵy týraly resmı aqparat túsken joq - QR SІM

NUR-SULTAN. QazAqparat - Nıý-Iork polıtsııasynan Qazaqstan azamatynyń ustalǵandyǵy týraly resmı aqparat túsken joq. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Nıý-Iorkte Qazaqstan aýmaǵynda izdeýde júrgen qazaqstandyq azamattyń ustalǵandyǵy týraly aqparatqa oraı mynany aıtqym keledi. Ázirshe, Nıý-Iork polıtsııasynan resmı aqparat bizge kelip túsken joq», - dedi resmı ókil.

Onyń atap ótýinshe, qazirgi ýaqytta amerıkalyq tarap zańsyz kóshi-qonmen kúres júrgizip jatyr jáne el aýmaǵynda júrgen zańsyz mıgranttardy anyqtaý úshin únemi reıdter ótkizip turady.

«Keıde amerıkalyq polıtsııa bizdiń azamattardy ustaǵanymen mán-jaı anyqtalǵannan soń jibere salady. Alaıda ony bizdiń dıplomatııalyq ókildigimizge habarlamaıdy. Osyndaı da jaıt oryn alýy múmkin», - dedi Aıbek Smadııarov.

Buǵan deıin AQSh-tyń Nıý-Iork qalasyndaǵy Kóshi-qon jáne keden basqarmasynyń qyzmetkerleri 12 sheteldik qashqyndy ustaǵanyn, onyń arasynda Qazaqstan azamaty da bar ekendigin habarlaǵan bolatynbyz.