Nıý-Iork polıtseıi Dımash Nııazov qazaqstandyq fılmge túsip jatyr

ASTANA. QazAqparat - Belgili shoýmen, «Túngi stýdııa» baǵdarlamasynyń júrgizýshisi Nurlan Qoıanbaev Instagram paraqshasynda Nıý-Iork qalasynyń eń úzdik polıtsııa qyzmetkeri Dımash Nııazov «Bıznes po-kazaxskı v Amerıke» fılmine túsip jatqanyn jarııa etti, dep habarlaıdy «QazAqparat» HAA tilshisi.

Bul Dımashtyń kıno álemindegi debıýti bolyp otyr.

«Shymkentte dúnıege kelgen Dımash 13 jasynda Nıý-Iorkke qonys aýdarady. Qysqa ýaqyt ishinde úlgili jumysynyń arqasynda aldyńǵy qatarly polıtseı atanyp úlgerdi. Sonymen qatar, kásipqoı boksshy. Usynysymyzdy birden qabyl alǵan Dımash Nııazov búgin Los-Andjeleste «Bıznes po-kazaxskı v Amerıke» kınosynyń túsirilimine kirisip ketti. Dımash, kóp raqmet saǵan!» - dep jazdy Nurlan Qoıanbaev.

Fılm bıyl jyldyń sońyna qaraı elimizdiń barlyq kınoteatrlarynda kórsetiletin bolady.