Nıý-Iork ózdiginen basqarylatyn avtokólikterdi synaýǵa ruqsat berdi
ASTANA.QazAqparat - Nıý-Iork shtatynyń kólik departamenti qoǵamdyq joldarda júrgizýshisiz avtokólikterdi synap kórýge ruqsat berdi. Synaq kezeńi 2018 jyldyń 1 sáýirine deıin jalǵaspaq, dep habarlaıdy governor.ny.gov .
Nıý-Iorktegi basqarýsyz ózdiginen júretin avtokólikterge lıtsenzııa alyp, ony saqtap qalý úshin kompanııa birqatar sharttardy oryndaýǵa mindetti. Bárinen buryn, kompanııanyń 5mln dollar kóleminde saqtandyrý polısi bolýy kerek. Kalıfornııadaǵy kólik departamentindegideı, Nıý-Iork departamenti de ótinishte synaqqa qatysatyn ár kóliktiń kórsetilýin talap etedi. Árbir testileýdi shtattaǵy polıtsııa qyzmetkerleri jiti qadaǵalaıtyn bolady, olardyń qyzmeti de kompanııa tarapynan qarjylandyrylady. Sondaı-aq, kompanııa testileý jaıly tolyqtaı esep berýge mindetti.
«Biz derbes kólik quraldaryn engizý barysynda qaıǵyly oqıǵalardy boldyrmaý úshin jáne Nıý-Iork kóshelerindegi adamdardyń ómirin saqtap qalý maqsatynda óte saq bolýǵa tyrystyq», - deıdi Nıý-Iorktyń gýbernatory Endrıý Kýomo.
