Nıý-Iork mýzeıleri jarty jyldyq karantınnen keıin ashylyp jatyr
NЬıÝ-IORK. EURONEWS - QazAqparat – Nıý-Iorktiń óner súıer qaýymy úshin karantın aıaqtaldy: alty aı karantınnen keıin Mone nemese Pıkasso týyndylaryn tamashalap, Djakommettı músinine súısinýge bolady. Osy aptada Manhettendegi zamanaýı óner mýzeıi (MoMA) óz esigin qaıta ashty, degenmen zaldarda ázirge adamdar burynǵydaı kóp jınalyp jatqan joq, dep habarlaıdy QazAqparat Euronews-ke silteme jasap.
«Maǵan Pablo Pıkasso men Jorja Seranyń kartınalary unaıdy, ol ekeýi meniń súıikti sýretshim», - deıdi jas Elıana. Al, onyń anasy bylaı deıdi: «Mýzeıdiń qaıta ashylatynyn estigende birden bılet satyp aldym, sebebi óz-ózime bylaı degen edim: «Biz onda mindetti túrde barýymyz kerek».
Metropolıten mýzeıi de jurtshylyqqa ashyldy, biraq ázirge onda kiretin adamdar sany shekteýli bolyp otyr.
«Úlken alma» mýzeılerinde qatań ereje saqtalady: munda maska taǵyp, kirerde temperatýra ólsheıdi jáne onda barý úshin aldyn ala ýaqyt belgileýi tıis. Al, mýzeıdegi adamdar sany 25%-dan aspaýy tıis. Sondyqtan, Metropolıten ashylǵan alǵashqy kúni ádettegideı 30-40 myń adam emes, 10 myń adam keldi.
Pandemııa saldarynan Nıý-Iorktegi mýzeıler Eýropadaǵyǵa qaraǵanda áldeqaıda shyǵynǵa batty. Sebebi, olardyń bıýdjeti bılet satylymyna baılanysty.
Metropolıten jabylǵan ýaqyt ishinde 150 mln dollar joǵaltyp, 400 qyzmetkerin qysqartty.
