Nıý-Iork murajaıy Kambodjaǵa urlanǵan músinderdi qaıtaratyn boldy
ASTANA. 6 mamyr. QazAqparat - Nıý-Iorktegi «Metropolıten» murajaıy Kambodjaǵa X ǵasyrǵa jatatyn eki músindi qaıtaratyndyǵyn málimdedi.
Bul eskertkishter kezinde urlanǵan degen dáleldi derekter de bar. Bul týraly sheteldik BAQ-tar habarlady.
Tastan qashalǵan eki músin 20 boıy murajaıdyń Azııa ónerine arnalǵan zaldaryna kireberisinde turǵan. Khmers músinderi murajaıǵa bólek tórt fragment túrinde 1987 jyldan 1992 jyly aralyǵynda tabys etilgen eken. 2012 jyly Kambodja úkimeti olardy qaıtarýdy talap etetinin jarııalaǵan bolatyn.
Kambodjadaǵy kelissózderden keıin murajaı ókilderi dáleldi derekterge kózderi jetkendigin moıyndady. Atap aıtqanda, 1970-shi jyldary atalǵan eldegi ǵıbadathanadan músinder urlanyp, kontrabanda arqyly syrtqa shyǵarylǵan.
