Nıý-Iork metrosynda eki adam jaǵa jyrtysyp, poıyz astyna túsip qaldy
ASTANA. 16 qańtar. QazAqparat - Nıý-Iork metrosynda bolǵan tóbelestiń saldarynan bir adam mert boldy, taǵy bireýi aýyr jaraqattar aldy, dep habarlady Fox News.
Habarlanǵandaı, perronda poıyz kútip turǵan jolaýshylar arasyndaǵy jaǵa jyrtys keshqurym oryn aldy. Olar tóbeles kezinde relske qulap ketip, poıyz astyna tústi. Saldarynan biri alǵan jaraqattarynan oqıǵa ornynda metr boldy, ekinshisi qazirgi ýaqytta aýrýhanada jatyr. Dárigerler onyń jaǵdaıyn aýyr dep baǵalaýda, dep habarlady RBK.
Atap óteıik, bul Nıý-Iorkte sońǵy birneshe aıda oryn alǵan úshinshi oqıǵa. Atap aıtqanda, 2013 jyldyń qańtar aıynda polıtsııa metro jolaýshysyn poıyz astyna qasaqana ıterip jibergen áıeldi tutqyndaǵan bolatyn.
