Nıý-Iork qor bırjasy eki aı úzilisten keıin jumysyn bastady
NUR-SULTAN. QazAqparat – Seısenbi kúni Nıý-Iork bırjasy jumysyn bastady. Bul týraly QazAqparat BBC agenttigine silteme jasap habarlaıdy.
Seısenbi kúni eki aılyq úzilisten keıin Nıý-Iork qor bırjasy (NYSE) jumysyn qaıta bastady. Saýda-sattyqtyń bastalýyn bildiretin qońyraý batyrmasyn Nıý-Iork shtatynyń gýbernatory Endrıý Kýomo basty. Bul rette treıderler kóptegen jańa erejeni saqtaýy kerek.
Jumysqa treıderlerdiń tek tórtten bir bóligi ǵana orala alady. Olar bırjaǵa jetý úshin qoǵamdyq kólikti paıdalanbaýy tıis, maska kıip, áleýmettik qashyqtyq normalaryn saqtaýy kerek. Ǵımaratta sondaı-aq, adamdardy bóletin ekrandar ornatylǵan. Budan basqa, bırjada jumys isteıtinderdiń barlyǵynyń kirý kezinde dene qyzýy ólshenetin bolady.
Sondaı-aq, Dúnıejúzilik densaýlyq saqtaý uıymy (DDU) karantındik sharalardy tym jyldam alyp tastaý, tipti Covid-19 jaǵdaılarynyń sany turaqty túrde azaıǵan elderde de aýrýdyń qaıta órshýine alyp kelýi múmkin ekenin taǵy eskertti.
DDU Tótenshe jaǵdaılar jónindegi baǵdarlamalar jetekshisi Maık Raıannyń aıtýynsha, birneshe aıdan keıin álem vırýstyń ekinshi sharyqtaý shegin kórýi múmkin.
Sońǵy aptada kóptegen batys elderi, eń aldymen Eýropa karantındik sharalardy álsirete bastady. AQSh-ta keıbir shtattary da solaı jasaýda.
Eske salsaq, 1 shildeden bastap Ispanııa sheteldik týrısterin qabyldaýǵa daıyn ekeni habarlanǵan bolatynbyz.
