Nıý-Iork kitaphanasy ataqty boryshkerlerdiń tizimin naqtylady
ASTANA. Mamyrdyń 21-i. QazAqparat - AQSh-tyń birinshi prezıdentiniń Nıý-Iork kitaphanasyna bereshek kitaby 221 jyldan keıin qaıtaryldy. Tarıhqa úńiler bolsaq,
1789 jyly qazannyń 5-inde Djordj Vashıngton kitaphanadan «Memleket zańy» degen kitapty oqýǵa alǵan, biraq kitap sol kúıi qaıtarylmaı qalǵan. Kitaphana qyzmetkerleriniń aıtýynsha, qaıtarylmaı qalǵan kitap úshin eseptelgen aıyppuldyń somasy 300 myń dollardy shamalap qalǵan. Degenmen, aıyppul talap etilmegenimen, Vashıngton murajaıy-úıiniń qyzmetkerlerine Djordj Vashıngtonnyń kitaphanaǵa taǵy bir basylym - brıtandyq obşınalar palatasynyń talqylaýlar jınaǵyn bereshek ekenin habarlanǵan.
Eki kitaptyń joq ekenin kitaphanashylar, HVIII ǵasyrdyń sońyndaǵy tirkeý jýrnaldaryn tekserý barysynda anyqtaǵan bolatyn. Jáne sol joly olar basqa da ataqty boryshkerlerdi anyqtaǵan: olardyń qatarynda AQSh-tyń birinshi qarjy mınıstri Aleksandr Gamılton, eldiń Joǵarǵy sotynyń birinshi tóraǵasy Djon Djeı, sondaı-aq Nıý-Iork shtatynyń birinshi saılanǵan gýbernatory Djordj Klınton bar.
