Nıý-Iork kıno akademııasynyń tálimgerleri Almatyda sheberlik synybyn ótkizedi
ALMATY. QazAqparat - Almatyda Nıý-Iork kıno akademııasynyń tálimgerleri úsh kún arnaıy sabaq beredi, dep habarlaıdy QazAqparat tilshisi.
Almaty qalasynda 7-9 sáýir aralyǵynda KIMEP ýnıversıteti bazasynda kıno jáne televızııa salasy boıynsha álemdegi eń iri oqý ortalyǵy bolyp sanalatyn Nıý-Iork kıno akademııasynyń (New York Film Academy) tálimgerleri sheberlik synyptaryn ótkizedi. Ol týraly búgin Almatyda ótken baspasóz máslıhatynda atalǵan akademııanyń Qazaqstandǵy resmı ókili Ásel Zoı aıtty.
«Qarjy máselesine baılanysty barlyǵy da AQSh-qa bara almaıdy. Sondyqtan, men Qazaqstanda barynsha kóbirek tálim alǵanyn qaladym. Uzaq ýaqyt kelissózder júrgizildi. Men aqyry osyǵan qol jetkizip, osy kóktemde ótkizgeli jatqanymyzǵa shynymen qýanyshtymyn. «New York Film Academy» akademııasynan arnaıy kelgen mamandar Lızzı Sak, álemge tanymal stsenarıı jazýshy, prodıýsser Pol Braýn jáne atalǵan akademııa tálimgeri Lıdııa Sedrone sabaq beretin boldy. Buǵan deıin biz túrli kezdesýler ótkizdik. Biraq, osynshalyqdy joǵary deńgeıde alǵashqy ret ótkeli otyr. Kelip otyrǵan adamdar teorııa aıtýshylar ǵana emes, olar - «praktıkter», kúndelikti jumys jasap júrgen tájirıbeli mamandar. Qazirgi ýaqytta 60 adam tilek bildirdi. Sheberlik synyby aıaqtalǵannan keıin, biz Nıý-Iork kıno akademııasynyń sertıfıkatyn beremiz. 23-24 saǵattyq bilim beriledi. Stýdentter pesa jazyp, rólderde oınaıdy. Sheberlikterin shyńdaıdy. Qazirgi ýaqytta Ásel Sadýaqasova, Rázııa Hasanova syndy tanymal prodıýsserler stýdent retinde tirkeldi», - dedi Ásel Zoı.
