Nıý-Iork galereıasynan Salvador Dalıdiń qundy týyndysyn urlap ketti
ASTANA. 22 maýsym. QazAqparat - Nıý-Iorktiń galareıasynan Salvador Dalıdiń 1949 jyly salynǵan "Don Hýan Tenorıo" atty týyndysy qoldy boldy.
Aıta ketý kerek, shyǵarma urlanǵan sátte mańynda kúzetshi bolǵan.
Jas jigit kartınany sýretke túsirip alýǵa ruqsat surap, onyń janyna barǵan. Ruqsat bermegen kúzetshi óz sharýalarymen aınalysa bergen. Kúdikti er adam sol ońtaıly sátti paıdalanyp sýretti sómkeniń ishine jytyryp, jalma-jan izin sýytqan. Galereıanyń ıesi Adam Lındemannyń aıtýynsha, "Don Hýan Tenorıo" kartınasynyń quny shamamen 150 myń dollar turady.
