Nıý-Iork bıligi shirkeýdi meshitke aınaldyrýǵa ruqsat berdi
ASTANA. QazAqparat - Nıý-Iork qalalyq keńesi musylmandarǵa burynǵy katolık shirkeýin meshit retinde paıdalanýlary úshin onyń tóbesindegi alty kresti alyp tastaýǵa ruqsat etti.
Buǵan birqatar jergilikti turǵyndar jáne shirkeýge minájat etýshiler qarsylyqtaryn bildirgen edi. 200-den astam adam onlaın-petıtsııaǵa qol da qoıǵan. Onda nysandy 100 jyl buryn nemis qonys aýdarýshylary turǵyzǵandyǵy, bul ǵımarat qalanyń arhıtektýralyq eskertkishteriniń biri ekendigi jazylǵan. Shirkeý 2010 jyly minájat etýshilerdiń tym azdyǵyna baılanysty jabylǵan edi. Al ótken jyldyń jeltoqsanynda shirkeýdi, jeksenbilik mektepti ımmıgrattardyń saýatsyzdyǵyn joıýmen aınalysatyn kommertsııalyq emes uıym satyp alǵan bolatyn. Olardyń basym bóligi Bırma, Býtan jáne Somalıden kelgender, dep habarlaıdy Ýtro. rý.
