Nıý-Iork avtosalonynda jyldyń úzdik avtokóligi ataldy
ASTANA. QazAqparat - Nıý-Iork motor-shoýynda jyldyń úzdik avtokóligi ataldy. Osy básekeniń fınalynda Audi A3 kóligi BMW 4 Series jáne Mazda3 mashınalarynyń aldyn orap ketti. Bir jyl buryn jyldyń úzdik avtomobıli ataǵyn Volkswagen Golf ıelengen edi.
Bıylǵy jylǵy tańdaýdy qazylar alqasy quramyndaǵy álemniń 22 eliniń kólik salasynda qalam terbep júrgen 69 jýrnalısti jasady.
Qazylardyń sózine qaraǵanda, A3 shanaǵynyń túrli nusqasymen jáne qozǵaltqyshtarynyń birqatar túrimen lıýksti yqsham kólikter arasynda aldyńǵy orynǵa shyǵyp otyr. Sonymen qatar Nıý-Iorktegi avtosalonda úzdik sporttyq avtokólik ataýyna Porsche 911 GT3 ıe boldy. Al BMW i3 elektromobıli «Úzdik ekologııalyq taza kólik» jáne «Úzdik dızaın» atalymdarynda jeńiske jetti. Bıyl Nıý-Iork avtosalonynda alǵash ret lıýks sanatyndaǵy úzdik kólik tańdaldy. Bul atalymda jańa Mercedes-Benz S-Class laıyq dep tanyldy.
