Nıý-Iork áýejaıynda 30 keli kokaın tasymaldaǵan stıýardessa ustaldy
ASTANA. QazAqparat - Nıý-Iorkte JetBlue avıakompanııasynyń stıýardessasy ustaldy, ol Kalıfornııa shtatynda qol júgin tekserý barysynda 30 keli kokaındy tastap qashyp ketken. Marsha Geı Reınolds Djon Kennedı atyndaǵy halyqaralyq áýejaıdaǵy polıtsııa bólimshesine óz erkimen berildi, dep habarlaıdy AQSh prokýratýrasy.
Álemdik BAQ-tyńjazýyna qaraǵanda, Los-Andjeles áýejaıynda áýe kompanııasy qyzmetkeriniń júris-turysy sezikti bolǵan, qyzmetkerleri ony tolyq tekserýdi uıǵarady. Reınolds tintý ornyna kelgenimen, sasqalaqtap qol júgin tastap qashyp ketken. Stıýardessaǵa esirtki tasymaldaǵany úshin aıyp taǵyldy. Onyń ústinen qylmystyq is qozǵalyp, ol qaladaǵy Brýklın aýdanyna qarasty sotta qaralady.
