Nıý-Iork AQSh-taǵy saılaý aldy kampanııalarynyń ortalyǵyna aınaldy
NЬıÝ-IORK - Qazirgi ýaqytta AQSh-taǵy prezıdent saılaýynyń eldiń shyǵys teńiz jaǵalaýy mańynda ornalasqan barlyq saılaý ýchaskeleri jabyldy, dep habarlaıdy «QazAqparat» HAA tilshisi.
Saýalnamalar nátıjeleri Donald Tramp Kentýkkı, Indıana, Batys Vırdjınııa shtattarynda jeńiske jetkendigin kórsetti. Onyń qarsylasy Demokratııalyq partııadan kandıdat Hılları Klınton Vermont shtatynda jeńiske jetip otyr. Biraq, saılaýdyń aıaqtalýyna áser etetin negizgi mánder shtattardaǵy aýytqymaly nátıjelerge ıe bolady. Osy óńirlerden derekter taıaý ýaqytta alynatyn bolady.
Saılaý kúni Nıý-Iork qalasy saılaý kezińinde saıası oqıǵalardyń ortalyǵyna aınaldy. Bul eki úmitker de atalǵan shtatta týǵandar bolyp tabylatyn birinshi kampanııa.
Donald Tramp onyń «Tramp Taýer» bıiktigi aspanmen talasqan ǵımaratynyń janyndaǵy ýchaskede daýys berdi. Hılları Klınton Nıý-Iorktiń Chapakýa aýdany mektepteriniń birinde ornalasqan ýchaskege bardy.
Eki úmitkerdiń jeńisin merekeleý oryndary Manhettanda bir-birinen alys emes ornalasqan. Biraq amerıkalyq baspasóz ben qoǵamnyń basty nazary H.Klınton saılaý nátıjesin kútýdi josparlaǵan ıAkob Djavıtts Ortalyǵyna aýǵan.
