Nıý-Djersıdegi marafon aldyndaǵy jarylys
ASTANA. QazAqparat - Sısaıd-Par qalasynda ( Nıý-Djersı, AQSh) qaıyrymdylyq marafony ótkiziletin jerge maıaý mańda qoldan jasalǵan jarylǵysh qurylǵy iske qosyldy.
Bul týraly NBC telearnasy habarlady.
Derekterge qaraǵanda, temir qubyrlar jáne jarylǵyshtar toptastyrylǵan qurylǵy jarys ótýi tıis trassa janyndaǵy qoqys jáshigine ornalastyrylǵan. Ol shamamen jergilikti ýaqyt boıynsha 09:30-da iske qosyldy. Jarylystan zardap shekkender joq.
Bul jappaı júgirýge 5 myńǵa jýyq adam qatysýy tıis bolatyn.
Keleńsiz jaǵdaıdan keıin polıtsııa oqıǵa ornyn jáne oǵan jaqyn kóshelerdi japty.
