Nıý-Delıde myńdaǵan adam kóshede ıogamen aınalysyp jatyr
ASTANA. QazAqparat - Ioga kúnine arnalǵan saltanaty sharaǵa qatysý úshin myńdaǵan adam Úndistan astanasy Nıý-Delıdegi Radjpath dańǵylyna jınaldy.
Munda Halyqaralyq ıoga kúni alǵash ret ótkizilip jatyr. Úndi astanasynyń ortalyǵynda tártipti myńdaǵan polıtsııa qyzmetkeri qamtamasyz etýde.
Jeksenbi kúni Radjpath dańǵylynda ıogamen 35 myńǵa jýyq adam aınalysatyny kútilip otyr, olardyń arasynda sheneýnikter, stýdentter men áskerıler bar.
Saltanatty sharaǵa sondaı-aq Gınnestiń rekordtar kitabynyń ókilderi shaqyryldy. Olar ıogamen bir ýaqytta eń kóp adamnyń aınalysqan faktisin tirkeýi múmkin.
Qatysýshylardy Úndistannyń premer-mınıstri Naredra Modı quttyqtady. Aıta ketken jón, Modıdiń bastamasymen ótken jyldyń jeltoqsan aıynda BUU-nyń Bas Assambleıasy 21 maýsymdy Halyqaralyq ıoga kúni dep jarııalaǵan bolatyn.
