Nıý-Delıde 200-den astam áýe reısteri men 560-tan astam poıyz baǵyttary keıinge shegerildi
ASTANA.QazAqparat - Delıde qalyń tuman saldarynan birneshe áýe reısteri keıinge shegerildi. Aýa temperatýrasynyń kúrt tómendeýi men 30-40 metr qashyqtyqqa deıingi jerlerdiń nashar kórinýinen tańertegi ýaqyttarda eldiń soltústiginde áýe jáne temirjol qatynasynyń toqtatylyp otyrǵanyna bir apta boldy, dep habarlaıdy TASS.
Dıspetcherlik qyzmetterdiń málimetterinshe, bul kúnderi Nıý-Delıde 200-ge tarta áýe reısteri men 560-tan astam poıyz toqtatylyp, nemese belgilenbegen merzimge keıinge shegerilgen.
Úndistannyń meteorologııa departamentiniń bergen málimetteri boıynsha, 28 jeltoqsan Tselsıı boıynsha 2,6 gradýs temperatýralyq rekordty kórsetken el astanasyndaǵy eń sýyq kún bolyp tirkeldi.
Aýa raıynyń qolaısyz qubylystary saldarynan kún saıyn kúrdeli apattardyń sany kóbeıe tústi, ondaǵan adamdar opat bolyp jatyr. Meterologtar bolsa kúnniń ázir jylynbaıtynyn, ony tek kún qańtar aıynyń birinshi onkúndiginde ǵana kútýge bolatynyn aıtýda.
