N.Valýev óziniń dene bitimine sáıkes keletin qazaqtyń tarıhı tulǵalary bolsa, qazaqstandyq epostyq fılmderge túskisi keledi
ANA. 3 shilde. QazAqparat /Gúlmıra Álıakparova/ - Reseılik boksshy Nıkolaı Valýev qazaqtyń tarıhı tulǵalarynyń arasynda óziniń dene bitimine sáıkes keletinder bolsa, qazaqstandyq epostyq fılmderge túskisi keletindigin aıtty.
N.Valýev Astana kúnin merekeleý aıasynda elordada ótip jatqan ekshn-fılmderdiń «Astana» halyqaralyq festıvaline qatysý úshin arnaıy keldi. Ol festıvalǵa óziniń basty rólindegi «Kamennaıa bashka» kartınasyn alyp keldi. Keshe keshqurym, «Han Shatyr» saýda, oıyn-saýyq ortalyǵynda kınonyń kórsetilimine deıin ol jýrnalısterge arnaıy suhbat berdi.
Ol, tilshilerdiń «ózine qazaqstandyq qandaı da bir kartınaǵa túsýge usynys tússe, qandaı róldi oınaǵysy keletindigi» týraly saýalyna jaýap bere kele, festıvaldyń saltanatty ashylýy kezinde akter, rejısser, stsenarııshi Asanáli Áshimovke taıanyp, qazaqtyń kınosyna túsýge ózi suranǵanyn aıtty.
«Men oǵan taıanyp, eger kezekti qazaqsha eposty túsiretin bolsańyzdar, meni shaqyryńyzdar, qýana qatysamyn dedim. Maǵan tarıhı oqıǵalar unaıdy. Árıne, meniń dene bitimime keletin tarıhı tulǵalaryńyz bolsa, qýanyshty bolar edim», - dedi ol.
Al jýrnalısterdiń «bir jaǵynan úreı týdyratyn alyp denesine qaramastan, ishki jan dúnıesi sezimtal, ári názik ekendigin týraly kópshiliktiń pikirine qatysty óz oıyn bildirýdi surap, er adam óziniń osal tustaryn syrtqa kórsetkeni durys pa?» degen saýalyna: «Naǵyz erkek óziniń osal tustaryn barlyǵyna kórsetkeni durys emes. Kez-kelgen adamda ishki tolqýlaryn syrtqa shyǵarǵysy keletin sátter bolady. Bul adam ataýlynyń psıhıkalyq qasıetteri. Alyp deneli erkekterdiń de ózi 100 paıyz senetin adamnyń janynda bir ret bolsa da bosańsyǵan kezderi bolady. Er adamǵa óziniń janynda kózsiz sene alatyn adamnyń bolýy mańyzdy. Óıtkeni ol arnasynan tasyp ketýi múmkin, onyń arty jaqsylyqqa alyp kelmeıdi», - dep jaýap qaıyrdy.
Eske salaıyq, 1-5 shilde aralyǵynda ótip jatqan ekshn-fılmderdiń «Astana» ІІ halyqaralyq festıvaline gollıvýd akterleriniń arasynan bıyl Stıven Sıgal, «Odısseı» fılminiń basty rólin somdaǵan Armand Assante; «Ýbıt Bılla», «Beshennye psy», «Gorod grehov» kınolarynda oınaǵan Maıkl Medsen, ekshn janrly fılmderde oınaıtyn, «Ostatsıa v jıvyh», «Avatar», «Forsaj» kartınalary arqyly tanys jas aktrısa Mıshel Rodrıges, reseılik kıno juldyzdardan Sergeı Svetlakov, Gosha Kýtsenko, Vıktor Verjbıtskıı, Evgenıı Stychkın, Dmıtrıı Nagıev, Olga Sýtýlova, rejısser Egor Konchalovskıı, Ekaterına Strıjenova, Nıkolaı Valýev, Natalıa Gýslıstaıa jáne prodıýser Renat Dáýletıarov keldi.
