N. Tilendıev eskertkishiniń tańdaýly jobasyna baıqaý jarııalandy
ALMATY. 15 aqpan. QazAqparat /Ádilet Musahaev/ - Almaty qalasy ákimdigi «Halyq qaharmany», Qazaqstan Respýblıkasy Memlekettik syılyǵynyń laýreaty, halyq ártisi, asa kórnekti kompozıtor Nurǵısa Tilendıevtiń eskertkishiniń tańdaýly jobasyna respýblıkalyq ashyq konkýrs jarııalady.
Baıqaýdyń maqsaty - ornatylatyn eskertkishtiń tarıhı beınesin ashyp, músindik-kórkemdik sheshimin tabý. Usynylatyn jobalar joǵary ıdeıalyq jáne sáýlettik-kórkemdik deńgeıde oryndalýy tıis.
Baıqaýǵa ótinishter 2011 jyldyń 20 naýryzy men 20 sáýir aralyǵynda qabyldanady.
