N.Tilendıev atyndaǵy II Respýblıkalyq dırıjerler konkýrsynyń jeńimpazdary marapattaldy

Qazaq dırıjerlik mektebiniń dástúrin saqtap ári qaraı damytý, dırıjerlik óner aıasynda jas talantty anyqtaý jáne olardyń sheberlikterin shyńdaýǵa múmkindik jasaý, ulttyq mádenıetimizdiń qundylyqtaryn jańǵyrtyp, jastardy patrıottylyqqa tárbıeleý, N. Tilendıevtiń qaldyrǵan óshpes muralaryn jańǵyrtýǵa arnalǵan konkýrsty jyl saıyn uıymdastyrý dástúrge aınalǵan. Aǵymdaǵy jyly baıqaýǵa elimizdiń barlyq oblystarynan joǵary oqý oryndarynyń stýdentteri men dırıjerleri qatysty.

Sonymen óner saıysynyń bas júldesi  QR Memlekettik akademııalyq sımfonııalyq orkestriniń dırıjeri Erbolat Ahmedıarovqa buıyrdy.  Al  І-shi oryn Táttimbet atyndaǵy Akademııalyq Qazaq halyq aspaptar orkestriniń kórkemdik jetekshisi jáne bas dırıjeri, Q. Baıjanov atyndaǵy kontserttik birlestigi  sımfonııalyq orkestriniń dırıjeri Erlan Baqtygereıge, ІІ-shi oryn Astana qalalyq memlekettik fılarmonııasynyń sımfonııalyq orkestriniń dırıjeri Rýslan Baımýrzınge, ІІІ-shi oryn M. Óskinbaev atyndaǵy Mańǵystaý oblystyq fılarmonııanyń sımfonııalyq orkestriniń bas dırıjeri jáne kórkemdik jetekshisi Ádil Bestembekovke, Qurmanǵazy atyndaǵy QUK I kýrs stýdenti Berik Jaılaýbaev jáne Aqmola oblystyq fılarmonııasynyń sımfonııalyq orkestriniń bas dırıjeri Álıhan Ydyrysovtarǵa buıyrdy. Sondaı-aq Jeksen Aısyn, Arman Amanjolov, Nıkıta Polognıýkter dıplommen, al Qýanysh Ismaıylov pen  Madııar Toıboldıev arnaıy syılyqtarmen marapattaldy.