N.Sarkozıdiń partııasy Eýroodaq ishindegi shekarany qaıtarýǵa shaqyrdy
ASTANA. Tamyzdyń 12-si. QazAqparat - Frantsııa prezıdenti Nıkolıa Sarkozıdiń partııasy Eýroodaq aýmaǵynda ishki shekara júıesine qaıta oralýdy usynyp otyr. Partııa jetekshisi Haver Bertrannyń pikirinshe, zańsyz kóshi-qonmen kúresý úshin ishki shekarany qaıtarý kerek, dep habarlaıdy RBK agenttigi.
Haver Bertrannyń aıtýynsha, «shekara qyzmetteri sýda da, qurǵaqta da jumys isteı alýy úshin, jalpyeýropalyq deńgeıde qatań sharalar kerek». Degenmen, H.Bertran myrza shekara júıesin qaıtarýda qanshalyqty «qatty ketý» kerek ekenin naqtylamaıdy.
Qazirgi ýaqytta Shengen kelisimine kirgen Eýroodaq elderiniń arasynda shekara joq. Shekara qyzmetteri Eýroodaqtyń tek syrtqy shebinde ǵana jumys isteıdi.
Aıta ketý kerek, N.Sarkozı zańsyz mıgranttarǵa qarsy kúres sharalaryn qataıtý kerektigin árqashan aıtyp keledi. Al onyń qarsylastary bolsa, prezıdent túrli saılaýlarda ásire ońshyl saılaýshylardyń qoldaýyna ıe bolýy úshin osyndaı málimdemeler jasaıdy dep otyr.
