N.Sabılıanov: Únemdeýdi azamattar ózderinen bastaýy kerek
ASTANA. QazAqpart - Únemdeýdi azamattar ózderinen bastaýy kerek. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Parlamenti Májilisiniń depýtaty Nurtaı Sabılıanov aıtty.
«Jalpy únemdeýdi azamattar ózderinen bastaýy kerek. Eń aldymen tek kerek zattardy satyp alýǵa umtylyp, ysyrapshyldyqqa barmaý qajet jáne ózine qolaıly jaǵdaıǵa baılanysty qarajatty jumsaý durys dep oılaımyn. Jalpy, bizde qazirgi kezde qoǵamda ár túrli jaǵdaılar bar. Keı kezde bir-birimizben jarysamyz, keı kezde ózimizdi kórsetkimiz keledi, keı kezde maqtanshyqtyqqa salynyp ketemiz. Soǵan barmaýymyz kerek», - dedi depýtat.
Onyń atap ótýinshe, eń bastysy, qolda bar qarajatty tıimdi, únemdi paıdalanyp, ózimizdiń balalardyń bilimine, solardyń bolashaǵyna salý qajet.
«Men kóp balaly áke retinde qandaı jaǵdaıda balalarǵa bilim berý, qalaı qarjylandyrý kerektigin jaqsy bilemin. Sondyqtan, eń bastysy balalarǵa durys tárbıe beretin bolsaq, olardy da únemdeýge úıretetin bolsaq, onda, adamdardyń óz tabysy ózderine jetýi tıis», - dedi ol.
