N. Sabılıanov Qazaqstanǵa eńbek mıgranttaryn medıtsınalyq tekseristen keıin kirgizýdi usyndy
ASTANA. 27 aqpan. QazAqparat - Elimizge keletin eńbek mıgranttaryn mindetti túrde medıtsınalyq tekseristen ótkizý qajet.
Búgin Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine eńbek kóshi-qony máseleleri boıynsha ózgerister men tolyqtyrýlar engizý týraly» zań jobasyn talqylaý barysynda depýtat Nurtaı Sabılıanov osy máseleni kóterdi.
Zań jobasy boıynsha jeke tulǵalar sheteldik eńbekshilerge jumys beretinin aıta kele, depýtat N. Sabılıanov keleshekte osyndaı sanattaǵy jumys berýshi jeke tulǵalardy tabys deklaratsııasyn tapsyrýǵa mindetteý qajettigin aıtty.
ıAǵnı, depýtattyń pikirinshe, memlekettik qyzmetshiler, depýtattar sekildi olar da tabys kózin kórsetýi shart.
«Ekinshiden, shetelden keletin azamattardyń densaýlyǵyn anyqtaý úshin medıtsınalyq tekseristen ótkizý qajet. Olar kim? Shetelden juqpaly aýrýdy ákele me, esirtkige táýeldi adam ba, sony bilýimiz, anyqtaýymyz kerek. Bul Reseıdiń zańynda bar. Úshinshiden, jumysqa almas buryn biz aldymen ózimizdegi aýyldaǵy, aýdandaǵy jumyssyz júrgen azamattarǵa eńbek qyzmetin usynsaq. Olar kelmegen jaǵdaıda ǵana sheteldik mıgranttarǵa ruqsat bersek», - dedi N. Sabılıanov.
