N.Sabılıanov: Elbasymyzdyń Ulttyq qordy qurý ıdeıasy qazir ózin-ózi tolyq aqtap otyr
ASTANA. QazAqpart - Elbasymyzdyń Ulttyq qordy qurý ıdeıasy qazir ózin-ózi tolyq aqtap otyr. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Parlamenti Májilisiniń depýtaty Nurtaı Sabılıanov aıtty.
«Ulttyq qorǵa baılanysty kezinde kóptegen áńgimeler aıtyldy. Ulttyq qordy halyqa taratyp bereıik, bul halyqtyń aqshasy, degender de boldy. Ras, bul - halyqtyń aqshasy. Menińshe, Elbasymyzdyń Ulttyq qordy qurý ıdeıasy qazir ózin-ózi tolyq aqtap otyr», - dedi N.Sabılıanov.
Halyq qalaýlysynyń atap ótýinshe, búginde Ulttyq qor qarajaty eldegi qarjy sektorynyń turaqtylyǵyn qamtamasyz etýge, ekonomıkamyzdy damytýǵa, sonymen birge halyqtyń ál-aýqatyn arttyrýǵa jumsalyp otyr.
«Eshkim eshqaıda alyp ketken joq. Ony ózderińiz kórip otyrsyzdar. Biraq, osydan jumsalatyn qarjyny qatań baqylaýǵa alýymyz kerek», - dep basa aıtqan depýtat Memleket basshysy tapsyrmasyn oryndaý barysynda tııanaqtylyq tanytý qajettigin eskertti.
